ახალი ამბები

ბოლო 24 საათში რეგულაციების დარღვევისთვის 991 პირი დააჯარიმეს

5 დეკემბერი, 2020 • 963
ბოლო 24 საათში რეგულაციების დარღვევისთვის 991 პირი დააჯარიმეს

ბოლო 24 საათის განმავლობაში ქვეყნის მასშტაბით პანდემიის გამო დაწესებული რეგულაციების დარღვევის 991 შემთხვევა გამოვლინდა. ინფორმაციას შინაგან საქმეთა სამინისტრო ავრცელებს.

უწყების ცნობით, პოლიციამ ადმინისტრაციულ სამართალდარღვევათა კოდექსის 42 (10)-ე მუხლის შესაბამისად, იზოლაციისა და კარანტინის წესების დარღვევისთვის, 87 ფიზიკური პირი დააჯარიმა.

“დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.”, – წერს უწყება.

გარდა ამისა, პირბადის ტარების წესის დარღვევის ბრალდებით, ადმინისტრაციულ სამართალდარღვევათა კოდექსის 42(11)-ე მუხლის შესაბამისად, 904 ფიზიკური პირი დააჯარიმეს.

“შინაგან საქმეთა სამინისტრო კვლავ მოუწოდებს მოქალაქეებს, დაიცვან დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები”, – ვკითხულობთ განცხადებაში.

შეზღუდვების თანმდევი რეგულაციების ფარგლებში. პირბადის ტარების წესის დარღვევა იწვევს ჯარიმას 20 ლარის ოდენობით.

იზოლაციისა და კარანტინის წესის დარღვევა  ფიზიკური პირის დაჯარიმებას 2 000 ლარით, ხოლო იურიდიული პირის – 10 000 ლარით დაჯარიმებას ითვალისწინებს.  განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

მასალების გადაბეჭდვის წესი