ნეტგაზეთი | ივანიშვილის სახლთან სროლის ფაქტზე ერთი პირი დააკავეს ივანიშვილის სახლთან სროლის ფაქტზე ერთი პირი დააკავეს – Netgazeti
RU | GE  

ივანიშვილის სახლთან სროლის ფაქტზე ერთი პირი დააკავეს

შინაგან საქმეთა სამინისტროს განცხადებით, სოლოლაკში, “ქართული ოცნების” ლიდერის ბიძინა ივანიშვილის სახლთან სროლის ფაქტზე 1983 წელს დაბადებული, წარსულში ყაჩაღობისთვის ნასამართლევი ა.რ. თბილისში დააკავეს.

მას ბრალი ცეცხლსასროლი იარაღის მართლსაწინააღმდეგო შეძენა-შენახვა-ტარებაში ედება.

გამოძიების თანახმად, ბრალდებულმა მიმდინარე წლის 6 ნოემბერს სოლოლაკში, მარო მაყაშვილის აღმართზე, ბიზნესცენტრთან მდებარე საავტომობილო გვირაბში ავტომანქანით გადაადგილების დროს რამდენჯერმე გაისროლა. ნივთმტკიცების სახით ამოღებულია, სავარაუდოდ, ხმოვანი პისტოლეტი და მასში მოთავსებული 2 აირის ვაზნა. ასევე, შემთხვევის ადგილიდან ამოღებულია 6 გასროლილი მასრა, რომლებსაც ექსპერტიზა უტარდება. შსს-ს ინფორმაციით, დაკავებული ჩადენილ დანაშაულს აღიარებს.

ბიძინა ივანიშვილის ბიზნესცენტრთან სროლა მაშინ მოხდა, როცა ოპოზიცია იქ აქციას მართავდა.

ივანიშვილის სახლთან სროლა იყო, გამოძიება დაიწყო

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.