მარნეულში, სოფელ დაშთაფას 52-ე უბანზე “ნაციონალური მოძრაობისა” და “ქართული ოცნების” აქტივისტებს შორის სიტყვიერი დაპირისპირება მოხდა. როგორც ოპოზიციურ პარტიაში აცხადებენ, ამ დროისთვის [10:30] ყველაფერი რიგზეა, თუმცა დილით იყო შემთხვევები, როდესაც უბნებზე მათ დამკვირვებლებს არ უშვებდნენ.

ნეტგაზეთი ასევე დაუკავშირდა 52–ე უბნის დამკვირვებელს ენმ-ის მხრიდან, ნიკა ქველაძეს. მან გვითხრა, რომ დაპირისპირება სულ რამდენიმე წუთს გრძელდებოდა, თუმცა დაშავებული არავინაა. მისივე ინფორმაციით, ეს უბანი გვიან გაიხსნა, რაზეც დაიწერა საჩივრებიც. დაშთაფას ინციდენტზე ჩვენ სადამკვირვებლო ორგანიზაციებსაც მივმართეთ, ინფორმაციის მიღებისთანავე მასალა განახლდება.

ფოტო © მთავარი არხი