კრემლის პრეს-სპიკერი დიმიტრი პესკოვი აცხადებს, რომ პრეზიდენტი ვლადიმერ პუტინი ჯერჯერობით არ გეგმავს აზერბაიჯანისა და თურქეთის პრეზიდენტებთან, ილჰამ ალიევთან და რეჯეპ ტაიპ ერდოღანთან მოლაპარაკებებს სომხეთ-აზერბაიჯანის კონფლიქტის საკითხთან დაკავშირებით.
„თუკი საჭირო იქნება, ეჭვგარეშეა, რომ პრეზიდენტი პუტინი, რა თქმა უნდა, განიხილავს ამ თემას თავის კოლეგებთან“, — РИА Новости-ს თანახმად, განუცხადა პესკოვმა ჟურნალისტებს კითხვაზე, თუ აპირებენ უახლოეს მომავალში ალიევთან ან ერდოღანთან უმაღლეს დონეზე მოლაპარაკებებს.
კითხვაზე, მოსალოდნელია თუ არა ასეთი მოლაპარაკებების გამართვა ამ კვირაში, პესკოვმა განაცხადა: „ჯერ არ არსებობს ასეთი მკაფიო გეგმები“.
„თქვენ იცით, რომ საუბარია ომზე. რა თქმა უნდა, ომში – იქ, ყარაბაღში – სიტუაცია სწრაფად ვითარდება, ამიტომ რთულია პროგნოზირება. იმის მიხედვით, თუ როგორ განვითარდება მოვლენები, დიალოგის საჭიროებაც გამოიკვეთება“, – დასძინა პესკოვმა.
27 სექტემბრის დილიდან მთიან ყარაბაღში სამხედრო შეტაკებები ისევ განახლდა და დღემდე გრძელდება.
რუსული მედიის თანახმად, ჟირინოვსკი ყარაბაღის ანექსიის იდეით გამოვიდა