ნეტგაზეთი | კიდევ 54 ჯარისკაცი დავკარგეთ – დე-ფაქტო ყარაბაღი კიდევ 54 ჯარისკაცი დავკარგეთ – დე-ფაქტო ყარაბაღი – Netgazeti
RU | GE  

კიდევ 54 ჯარისკაცი დავკარგეთ – დე-ფაქტო ყარაბაღი

მთიანი ყარაბაღის დე ფაქტო არმიის მეთაურის მოადგილის, არტურ სარგსიანის განცხადებით, გუშინ კვლავ გრძელდებოდა მძიმე საბრძოლო მოქმედებები. ამის შესახებ ინფორმაციას სომხური გამოცემა news.am ავრცელებს.

“მტერმა კვლავ გააგრძელა შეტევა. ისინი იყენებდნენ თვითმფრინავებს, ვერტმფრენებს, რაკეტების მთლიან არსენალს, არტილერიასა და ტანკებს”, – მედიისთვის გამართულ ბრიფინგზე განაცხადა არტურ სარგსიანმა.

მისი განცხადებით, ბრძოლები მიმდინარეობდა მთელი ფრონტის გასწვრივ, განსაკუთრებით კი- სამხრეთისა და ჩრდილოეთის მიმართულებებით.

“სამწუხაროდ, კიდევ 54-მა მებრძოლმა შესწირა საკუთარი სიცოცხლე სამშობლოს დაცვისთვის ბრძოლაში, დაჭრილთა და დაშავებულთა რიცხვი ზუსტდება, თუმცა საკმაოდ ბევრი დაშავებული გვყავს”, – განაცხადა მან.

სომხეთის თავდაცვის უწყებამ გუშინ, პირველ ოქტომბერს, კიდევ 23 ჯარისკაცის დაღუპვის შესახებ გაავრცელა ინფორმაცია. დაღუპული ჯარისკაცების საშუალო ასაკი 20 წელია.

გაიგეთ მეტი:

ყარაბაღში ბრძოლა გრძელდება

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com