ნეტგაზეთი | აღმაშენებელზე მომხდარ ჩხუბზე გამოძიება დაიწყო აღმაშენებელზე მომხდარ ჩხუბზე გამოძიება დაიწყო – Netgazeti
RU | GE  

აღმაშენებელზე მომხდარ ჩხუბზე გამოძიება დაიწყო

თბილისში, აღმაშენებლის გამზირზე, 22 სექტემბერს, ღამის საათებში ჩხუბის საქმეზე შსს-მ გამოძიება დაიწყო.

როგორც „ნეტგაზეთს“ უწყების პრესცენტრში უთხრეს, გამოძიება მიმდინარეობს სისხლის სამართლის კოდექსის 126-ე მუხლით, რაც ძალადობას გულისხმობს.

ამ მუხლით სასჯელად გათვალისწინებულია ან 1 წლამდე პატიმრობა, ან 6-12 თვიანი შინაპატიმრობა, ან ჯარიმა, ან საზოგადოებისათვის სასარგებლო შრომა 120-180 საათით.

ჩხუბის შემდეგ ადგილზე საპატრულო პოლიციის ექვსი ეკიპაჟი და სასწრაფო სამედიცინო დახმარების 2 მანქანა იყო მობილიზებულები.

პირველადი ინფორმაციით, მძიმედ არავინ დაშავებულა.

„ნეტგაზეთის“ პირველადი ინფორმაციითვე, დაპირისპირება მოჰყვა 4-5  ნასვამი მოქალაქის მოთხოვნას, ერთ-ერთ რესტორანში შეეშვათ.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com