საქართველოში ბოლო 24 საათში კორონავირუსის 14 ახალი შემთხვევა გამოვლინდა, გამოჯანმრთელდა 44.
მთავრობის ოფიციალური საიტის, stopcov.ge-ს თანახმად, სულ საქართველოში კორონავირუსის 1264 შემთხვევა გამოვლინდა, რომელთაგან 1054 გამოჯანმრთელდა, ხოლო 17 გარდაიცვალა.
ინფექციური საავადმყოფოს სამედიცინო დირექტორის, მარინა ეზუგბაიას თქმით, ახალი შეთხვევებიდან 9 დადასტურებული შემთხვევების კონტაქტია, 3 – იმპორტირებული [მათ შორის ორი სატვირთო მანქანის მძღოლი] და 2 -გაჩიანიდან.
მისივე ინფორმაციით, გამოჯანმრთელებულებიდან ნახევარზე მეტი ავღანეთიდან ჩამოსული ქართველი სამხედროები არიან.
გუშინ, 10 აგვისტოს, კოვიდ 19-ის 25 ახალი შემთხვევა დადასტურდა, რომელთაგანაც 16 ე.წ. სვანეთის კლასტერიდან იყო, რის შემდეგაც, მთავრობის გადაწყვეტილებით, სრულად ჩაიკეტა მესტიის მუნიციპალიტეტი და საკარანტინო წესები შემოიღეს. სვანეთში ჩარჩენილ ტურისტებს მისი დატოვების შემთხვევაში სავალდებულო კარანტინს გაივლიან.