ნეტგაზეთი | საქართველო ფაშიზმზე გამარჯვების დღეს კვლავ 9 მაისს აღნიშნავს  საქართველო ფაშიზმზე გამარჯვების დღეს კვლავ 9 მაისს აღნიშნავს  – Netgazeti

საქართველო ფაშიზმზე გამარჯვების დღეს კვლავ 9 მაისს აღნიშნავს 

დღეს, 9 მაისს ხელისუფლების წარმომადგენლები და ვეტერანები ტრადიციულად მივიდნენ თბილისში, ვაკის პარკში მდებარე უცნობის ჯარისკაცის საფლავთან, სადაც ტრადიციულად მიდიან ხოლმე ამ დღეს. 

ვაკის პარკში მივიდნენ პრემიერ-მინისტრი, თავდაცვის მინისტრი, თბილისის მერი და სხვა ოფიციალური პირები, ასევე მართლმადიდებელი ეკლესიის წარმომადგენლები. 

ფაშიზმზე გამარჯვების დღის აღსანიშნავად პრემიერ-მინისტრი, თავდაცვის მინისტრი და სხვა ოფიციალური პირები ვაკის პარკში მივიდნენ. ფოტო: თავდაცვის სამინისტრის პრესსამსახური

ფაშიზმზე გამარჯვების დღის აღსანიშნავად კახა კალაძე ვაკის პარკში მივიდა

ვაკის პარკში მართლმადდიებელი ეკლესიის წარმომადგენლ;ებიც მივიდნენ; ფოტო: ნეტგაზეთი/სოფო აფრიამაშვილი

9 მაისს მთავრობამ განაცხადა, რომ მეორე მსოფლიო ომის ვეტერანები სოციალური დახმარების სახით 600 ლარს მიიღებენ, დაღუპულების ოჯახის წევრები კი 300 ლარს.

ომის ვეტერანები ვაკის პარკში მივიდნენ. 9 მაისი, 2020. თბილისი. ფოტო: სოფო აფრიამაშვილი

9 მაისი, 2020. თბილისი. ფოტო: სოფო აფრიამაშვილი

საქართველოში უკვე რამდენიმე წელია მიმდინარეობს დისკუსია თემაზე, თუ როდის უნდა აღინიშნებოდეს ფაშიზმზე გამარჯვების დღე – 8 მაისს, როგორც ზეიმობს ევროპა, თუ 9 მაისს.

წელს ამ თემაზე მოქალაქეებმა პეტიციაც შექმნეს. პეტიზიის ავტორები ითხოვდნენ ნაციზმზე გამარჯვების დღედ 9-ის ნაცვლად 8 მაისი გამოცხადდეს. მანამდე მსგავსი განცხადება გაავრცელეს არასამთავრობო ორგანიზაციის წარმომადგენლებმა, თუმცა საპარლამენტო დონეზე ამ საკითხზე მსჯელობა არ გამართულა.

წაიკითხეთ ამ თემაზე ნეტგაზეთის არქივიდან:

ლაშა ბაქრაძე: არჩევნის საკითხია, ევროპასთან ერთად ვიზეიმოთ ფაშიზმზე გამარჯვება, თუ რუსეთთან

ნაციზმზე გამარჯვება 8 მაისს, ევროპასთან ერთად აღინიშნოს – MDF-ის კამპანია

ნეტგაზეთის მასალების სხვა გამოცემებში გადაბეჭდვის წესი
ავტორი