ნეტგაზეთი | ყარაბაღის დე ფაქტო პრეზიდენტი არაიკ არუთუნიანი გახდა ყარაბაღის დე ფაქტო პრეზიდენტი არაიკ არუთუნიანი გახდა – Netgazeti

ყარაბაღის დე ფაქტო პრეზიდენტი არაიკ არუთუნიანი გახდა

14 აპრილს, კორონავირუსის პანდემიის მიუხედავად, ყარაბაღში ჩატარებული საპრეზიდენტო არჩევნების მეორე ტურში გამარჯვება მოიპოვა არაიკ არუთუნიანმა, ყარაბაღის დე ფაქტო ექსპრემიერმა.

არუთუნიანმა ხმების 88% მიიღო. მოქმედმა დე ფაქტო საგარეო საქმეთა მინისტრმა, მასის მაილიანმა მხოლოდ 12% დააგროვა.

არუთუნიანი 22 მარტიდან ოფიციალურად დაიკავებს პოსტს.

პირველი ტური 31 მარტს გაიმართა და ვერც ერთმა კანდიდატმა ვერ დააგროვა ხმების 50%-ზე მეტი.

იმავე დღეს გაიმართა დე ფაქტო საპარლამენტო არჩევნები, რომლის შედეგებითაც დე ფაქტო პარლამენტს 5 პარტია დააკომპლექტებს.

არუთუნიანის პარტია პირველ ადგილზე გავიდა ხმათა 40.4%-ით, მეორეზე – თავდაცვის დე ფაქტო ექსმინისტრი სამველ ბაბაიანის პარტია 23.63%-ით, ვიტალი ბალასიანის პარტიამ 7.9% აიღო და ა.შ.

აზერბაიჯანი და გაეროს ქვეყნების აბსოლუტური უმრავლესობა ყარაბაღს აზერბაიჯანის სუვერენულ ტერიტორიად მიიჩნევს, რომელიც სომხეთის მიერ არის ოკუპირებული და არჩევნებს არ აღიარებს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com