პრემიერ-მინისტრი გიორგი გახარია უწლოცავს საქართველოს იმ მოქალაქეებს, რომლებიც აღდგომას 12 აპრილს აღნიშნავენ.
“მინდა მივულოცო ჩვენი ქვეყნის ყველა მოქალაქეს, ვინც აღდგომას დღეს აღნიშნავს – ქართველ კათოლიკეებს, სომეხთა სამოციქულო ეკლესიის საქართველოს ეპარქიასა და ჩვენს სომეხ თანამოქალაქეებს, საქართველოს ევანგელურ-ლუთერულ ეკლესიასა და მის მრევლს. გისურვებთ ჯანრთელობას და მხნეობას”, – წერს პრემიერ-მინისტრი ფეისბუკზე და დასძენს:
“დარწმუნებული ვარ, რომ ამ საყოველთაო განსაცდელს აუცილებლად დავძლევთ ერთიანი ძალისხმევით”.
12 აპრილს აღდგომის დღესასწაულს ზეიმობენ კათოლიკური, სომხური და ევანგელურ-ლუთერული ეკლესიები.
