ნეტგაზეთი | საგანგებო რეჟიმის დარღვევის 167 ახალი ფაქტი გამოვლინდა საგანგებო რეჟიმის დარღვევის 167 ახალი ფაქტი გამოვლინდა – Netgazeti

საგანგებო რეჟიმის დარღვევის 167 ახალი ფაქტი გამოვლინდა

შსს-ს ინფორმაციით, ბოლო 24 საათის განმავლობაში, ქვეყნის მასშტაბით, საგანგებო მდგომარეობის რეჟიმის და  კომენდანტის საათის  დარღვევის 167 ახალი ფაქტი გამოვლინდა.

6 აპრილის 21:00 საათიდან 7 აპრილის დილის 06:00 საათამდე, ე.წ. კომენდანტის საათის დარღვევის ფაქტზე პოლიციამ 112 მოქალაქე დააჯარიმა. საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო  სულ 28 მოქალაქე დააჯარიმეს. მგზავრთა გადაყვანისა და ავტომობილით გადაადგილების წესის დარღვევაზე დაჯარიმებულია 27  პირი.

საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.