ახალი ამბები

15 წლის მოზარდთან სქესობრივი კავშირის დამყარებაში ბრალდებულს 5 წლით პატიმრობა მიესაჯა

1 აპრილი, 2020 • 1327
15 წლის მოზარდთან სქესობრივი კავშირის დამყარებაში ბრალდებულს 5 წლით პატიმრობა მიესაჯა

თბილისის საქალაქო სასამართლომ 16 წელს მიუღწეველთან სქსეობრივი კავშირის დამყარებასა და გარყვნილ ქმედებაში ბრალდებული პირი დამნაშავედ ცნო.

როგორც პროკურატურაში აცხადებენ, ბრალდებულმა 2018 წლის მაისიდან 8 ნოემბრის ჩათვლით წინასწარი შეცნობით 15 წლის გოგონასთან რამდენჯერმე დაამყარა სქესობრივი კავშირი და გარყვნილი ქმედება განახორციელა.

ის სამართალდამცავებმა 2019 წლის 21 ივლისს თბილისში დააკავეს და 5 ეპიზოდზე ბრალდება საქართველოს სისხლის სამართლის კოდექსის 140-ე მუხლის პირველი ნაწილით (თექვსმეტი წლის ასაკს მიუღწევლთან სქესობრივი კავშირის დამყარება, ხოლო 2 ეპიზოდზე 141-ე მუხლის პირველი ნაწილით (გარყვნილი ქმედება) წარედგინა და აღკვეთის ღონისძიების სახით პატიმრობა შეეფარდა.

უწყების ცნობით, თბილისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 8 წლით თავისუფლების აღკვეთა განუსაზღვრა, საიდანაც 5 წელი და 4 თვე განესაზღვრა პენიტენციურ დაწესებულებაში მოხდით, ხოლო 2 წელი და 8 თვე ჩაეთვალა პირობით იმავე გამოსაცდელი ვადით.

მასალების გადაბეჭდვის წესი