იან კელი საქართველოს მოქალაქეებისადმი მიმართვაში საუბრობს იმის შესახებ, რომ პირველად თბილისს 1976 წელს ესტუმრა.
იან კელის სურვილი აქვს, რომ დიპლომატიაში დაგროვილი 30-წლიანი გამოცდილების საშუალებით საქართველოს ევრო-ატლანტიკურ ორგანიზაციებთან დაახლოებაში დაეხმაროს.
“ამერიკა საქართველოს გვერდით დგას, რათა ის თავისუფალი, დამოუკიდებელი და წარმატებული ევროპული სახელმწიფო გახდეს”, ამბობს იან კელი.
აშშ-ის პრეზიდენტმა ბარაკ ობამამ იან კელი აშშ-ის ელჩის თანამდებობაზე 2015 წლის 12 მარტს დაასახელა. იან კელი ელჩ რიჩარდ ნორლანდს შეცვლის, რომელიც აღნიშნულ თანამდებობას 2012 წლიდან იკავებს.
იან კელი იყო აშშ-ის წარმომადგენელი ეუთოში, ასევე, აშშ-ის სახელმწიფო დეპარტამენტის ევროპისა და ავრაზიის საქმეთა ბიუროში რუსეთის საქმეთა ოფისის დირექტორი. კელის ასევე ეჭირა სპიკერის პოზიცია აშშ-ის სახელმწიფო დეპარტამენტის საზოგადოებასთან ურთიერთობის ბიუროში 2009-10 წლებში.
