ნეტგაზეთი | ვაკე-საბურთალოს დამაკავშირებელი გზის ნაწილი 14 სექტემბერს გაიხსნება ვაკე-საბურთალოს დამაკავშირებელი გზის ნაწილი 14 სექტემბერს გაიხსნება – Netgazeti
RU | GE  

ვაკე-საბურთალოს დამაკავშირებელი გზის ნაწილი 14 სექტემბერს გაიხსნება

თბილისი მერიის ცნობით, ვაკე-საბურთალოს დამაკავშირებელი ახალი გზის ნაწილი, რომელიც 13 ივნისის სტიქიამ დააზიანა, ხვალ, 14 სექტემბერს, 08:00 საათზე გაიხსნება.

დასკვნით სამუშაოებს დღეს თბილისის მერი დავით ნარმანია მოადგილესთან, გიორგი სოლომონიასთან და კეთილმოწყობის სამსახურის უფროსთან, ავთანდილ სუდაძესთან ერთად გაეცნო.

 

თბილისის მერის თქმით, 15 სექტემბერს გმირთა მოედნიდან თამარაშვილის მიმართულებით მიმავალი გზის გახსნა იგეგმება. გაიხსნება ასევე საბურთალოსთან დამაკავშირებელი გვირაბიც.

 

მისივე თქმით, პროექტზე მუშაობისას გამოსწორდა რამდენიმე დეფექტი, რომელიც საავტომობილო მოძრაობას დამატებით განტვირთავს. გვირაბიდან მომავალი ავტომანქანები, რომელთაც სურთ პოლიციის შენობის გავლით ჭავჭავაძის გამზირზე ასვლა, აღარ შევლენ მთავარ მაგისტრალზე. ახალი სამანქანო ზოლის გავლითაც ისინი პირდაპირ ავლენ პოლიციის შენობასთან. 

 

თბილისის მერის განცხადებით, გზის სარეაბილიტაციო სამუშაოები სექტემბრის ბოლოს მთლიანად დასრულდება.

 

ვაკე-საბურთალოს დამაკავშირებელი ახალი გზის ნაწილი ხვალ გაიხსნება
ვაკე-საბურთალოს დამაკავშირებელი ახალი გზის ნაწილი ხვალ გაიხსნება

ნეტგაზეთის მასალების სხვა გამოცემებში გადაბეჭდვის წესი
გუკი გიუნაშვილი