არასამთავრობოებმა გააპროტესტეს თბილისის საქალაქო სასამართლოს 23 ივლისის გადაწყვეტილება, რომლის თანახმადაც, აქციის “არა პანორამას” მონაწილეები უცენზურო პლაკატი წვრილმან ხულიგნობად მიიჩნია.

დღესვე, აქციის მონაწილეთა ადვოკატმა, საიას იურისტმა ნონა ქურდოვანიძემ მისამართლის ეს დადგენილება სააპელაციო სასამართლოში გაასაჩივრა.

აქციაზე მყოფმა საია-ს თავმჯდომარე ანა ნაცვლიშვილმა სახელმწიფოს არაადეკკვატურ რეაგირებაზე ისაუბრა.

“ნაცვლად იმისა, რომ ხელისუფლებას ყურადღება მიეპყრო მშვიდობიანი პროტესტის მიზეზებისთვის და გაეგო რატომ იდგნენ ეს ადამიანები იქ და რატომ აპრიტესტებდნენ სახელმწიფოს მხრიდან ჩუმად მიღებულ გადაწყვეტილებას “პანორამა თბილისის” პროექტთან დაკავშირებით, დააჯარიმა ადამიანები, რომლებიც გამოხატავდნენ თავიანთ მოსაზრებას და წინააღმდეგობას სახელმწიფოს მიერ მიღებული ძალიან ცუდი გადაწყვეტილების მიმართ. სახელმწიფომ რეალურად უნდა შეაფასოს ვითარება, პრობლემებს შეხედოს და არ ეძიოს პრობლემები იმ ადამიანებში, რომლებიც სახელმწიფოს ცუდ მოქმედებებზე აკეთებენ აქცენტს”, – ამბობს ანა ნაცვლიშვილი.