იძულებით ქორწინება. ადრეული ქორწინება. ფოტო: CC

მარნეულში არასრულწლოვანი გოგო გაიტაცეს

მარნეულში არასრულწლოვანი გოგო გაიტაცეს. ინფორმაციას, რომელიც თავდაპირველად რადიო „მარნეულმა“ გაავრცელა, ნეტგაზეთს შსს-ში უდასტურებენ.

რადიო „მარნეული“ წერს, რომ გოგო სრულწლოვანმა კაცმა რეპეტიტორთან კერძო გაკვეთილის შემდეგ გაიტაცა. გარდა ამისა, გამოცემა თვითმხილველებზე დაყრდნობით წერს, რომ ადგილზე ისმოდა მისი ყვირილიც.

შსს-ში ამბობენ, რომ გამოძიება საქართველოს სისხლის სამართლის კოდექსის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს. უწყებაში არ ამბობენ, დააკავეს თუ არა ვინმე ამ საქმეზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან