ახალი ამბები

ვაშაძე პროპორციულზე დაპირებას ენმ-ის და “გაერთიანებული ოპოზიციის” მონაპოვრად მიიჩნევს

22 იანვარი, 2020 • 1247
ვაშაძე პროპორციულზე დაპირებას ენმ-ის და “გაერთიანებული ოპოზიციის” მონაპოვრად მიიჩნევს

“ერთიანი ნაციონალური მოძრაობის” ლიდერი გრიგოლ ვაშაძე პროპორციული არჩევნების შესახებ დაპირებას ენმ-ის და “გაერთიანებული ოპოზიციის” მონაპოვრად მიიჩნევს.

როგორც ვაშაძემ გადაცემაში “ღამის აქცენტები” განაცხადა, როდესაც ენმ და “გაერთიანებული ოპოზიცია” კოალიციურ მთავრობასა და პროპორციულ არჩევნებზე საუბრობდა, ამ საკითხებს სხვა არავინ ახსენებდა:

“ერთიანმა ნაციონალურმა მოძრაობამ მოითხოვა და გაერთიანებულ ოპოზიციასთან ერთად გამოგლიჯა ოლიგარქს ხელიდან პროპორციული არჩევნების დაპირება”, – თქვა ვაშაძემ.

ჟურნალისტმა ეკა კვესიტაძემ ვაშაძეს შეახსენა, რომ ამ მოთხოვნას აყენებდნენ აქტივისტები და სხვადასხვა აქტორიც და ეს მხოლოდ ენმ-ის მონაპოვარ არ იყო, რაზეც ვაშაძემ უპასუხა:

“როგორ არ ყოფილა, მთელი საპრეზიდენტო კამპანია პროპორციულ არჩევნებზე ვლაპარაკობდი. ახალგაზრდები და ეს ყველაფერი შესანიშნავია, დიდი მადლობა ყველას, ვინც ამ მოძრაობაში მონაწილეობას იღებს, მაგრამ კიდევ ერთხელ ვიმეორებ, როდესაც ჩვენ დავიწყეთ, ჩვენმა პარტიამ და გაერთიანებულმა ოპოზიციამ, კოალიციურ მთავრობაზე და პროპორციულ არჩევნებზე საუბარი, ეს კაციშვილს არ უხსენებია და ამის დოკუმენტური მტკიცებულება ძალიან ადვილად მოიპოვება”, – თქვა ვაშაძემ.

ამავე თემაზე

იოსელიანი და ელისაშვილი გრიგოლ ვაშაძეს აკრიტიკებენ

მასალების გადაბეჭდვის წესი