აუქციონში გამარჯვებული ვალდებულია განახორციელოს არანაკლებ 8 მილიონი ლარის ინვესტიცია, ხელშეკრულების ხელმოწერიდან 3 წლის განმავლობაში და [21 175 კვ.მ და 1 432 კვ.მ. მიწის ნაკვეთებზე] მოაწყოს შესაბამისი ინფრასტრუქტურა ეკოტურიზმისა და რეკრეაციული მიზნებისთვის, რომელიც მოიცავს:

[checklist]

• ხის კენწეროების ბილიკს;
• საინფორმაციო ცენტრს და საპარკინგე სივრცეს.

[/checklist]

ფოტო აუქციონიდან

აუქციონში საწყისი ფასი 30 ათასი ლარია. ბიჯი – 5 ათასი ლარი. სასყიდლიანი აღნაგობის უფლებით, მიწის ნაკვეთების სარგებლობაში გადაცემის ვადა კი – 45 წელი.

აუქციონი 2020 წლის 10 იანვარს დაიწყება და 20 იანვარს დასრულდება.

აუქციონის პირობების მიხედვით:

• ხის კენწეროების ბილიკის ასაშენებლად/მოსაწყობად აუქციონში გამარჯვებულმა უნდა იხელმძღვანელოს დაცული ტერიტორიების სააგენტოს მიერ გადაცემული პროექტის შესაბამისად [პროექტი აუქციონში გამარჯვებულს გადაეცემა შესაბამისი ხელშეკრულების ხელმოწერის შემდგომ];
• ხელშეკრულების (აღნაგობის) ვადის დასრულების და/ან აღნაგობის უფლების მქონე პირის მიზეზით ხელშეკრულების ვადამდე შეწყვეტის შემთხვევაში ობიექტზე ინვესტიციის ფარგლებში აშენებული/მოწყობილი ინფრასტრუქტურა ყოველგვარი ანაზღაურებისა და კომპენსაციის გარეშე რჩება სახელმწიფო საკუთრებაში;
• დაცული ტერიტორიების სააგენტო უფლებამოსილია ყოველ 10 წელიწადში ერთხელ მოითხოვოს აღნაგობის საზღაურის გადახედვა საქართველოს კანონმდებლობით განსაზღვრული ორგანოს მიერ დადგენილი ეროვნული სამომხმარებლო ფასების ინდექსის მიხედვით და გაზარდოს აღნაგობის საფასური, რისთვისაც ბაზისად აღებული იქნება აღნაგობის ხელშეკრულების გაფორმების თარიღის მაჩვენებელი;