2023 წლის პირველ 10 თვეში საქართველოს დაცულმა ტერიტორიებმა, ჯამში, 1 015 024 სტუმარს უმასპინძლა. ამ ინფორმაციას დაცული ტერიტორიების ეროვნული სააგენტო ავრცელებს.

1 015 024 მნახველიდან 589 841 სხვა ქვეყნის მოქალაქეა. სააგენტოს ცნობით, უცხოელი მნახველების რაოდენობა გასულ წელთან შედარებით 29%-ითაა გაზრდილი.

2023 წელს ყველაზე მეტი სტუმარი ეწვია შემდეგ დაცულ ტერიტორიებს:

• მარტვილის კანიონი;
• პრომეთეს მღვიმე;
• მტირალას ეროვნული პარკი;
• სათაფლია;
• წალკის კანიონი.

“საქართველოს დაცულ ტერიტორიებზე ვიზიტორთა რეკორდული რაოდენობა 2019 წელს დაფიქსირდა. მიმდინარე წლის 10 თვეში, 2019 წლის მონაცემები 90%-ით არის აღდგენილი”, – აცხადებენ დაცული ტერიტორიების სააგენტოში.

მათივე ცნობით, 2023 წელს ეკოტურიზმის განვითარებისთვის, ჯამში, 22.5 მილიონამდე ლარის ინვესტიცია განხორციელდება.