შსს-ს ინფორმაციით, თბილისში, აეროპორტის გადასასვლელთან მომხდარ ავარიას ერთი ადამიანი ემსხვერპლა. უწყების ცნობითვე, ერთმანეთს მიკროავტობუსი და სატვირთო მანქანა შეეჯახნენ. სასწრაფო სამედიცინო დახმარების ცენტრში ნეტგაზეთს უთხრეს, რომ ავარიის შედეგად 12 ადამიანია დაშავებული. მომხდარზე შსს-მ გამოძიება სსკ-ს 276-ე მუხლის მე-6 ნაწილით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.