ერთი კვირა დავისვენებ – ზუკა ბერძენიშვილი

“ერთი კვირა დავისვენებ”, – ასე გამოეხმაურა სამოქალაქო აქტივისტი ზუკა ბერძენიშვილი თბილისის საქალაქო სასამართლოს გადაწყვეტილებას, რომლის მიხედვითაც მას 7- დღიანი ადმინისტრაციული პატიმრობა შეეფარდა. ეს კომენტარი მან გადაწყვეტილების მერე თავის ფეისბუკის გვერდზე გამოაქვეყნა.

ზუკა ბერძენიშვილი, რომელიც ივნისში ,რუსეთის დუმის დეპუტატის , გავრილოვის ვიზიტის შემდეგ დაწყებული საპროტესტო მოძრაობის, #სირცხვილიას  ერთ-ერთი ლიდერია, 18 ივნისს დააკავეს თბილისში დემონსტრაციის ძალით დაშლის დროს. მას, ისევე როგორც დანარჩენ 36 პირს, ვინც ამ აქციის დაშლისას დააკავეს,  ადმინისტრაციული სამართალდარღვევის კოდექსის ორი მუხლის დარღვევაში ადანაშაულებენ – პოლიციის მოთხოვნისთვის დაუმორჩილებლობა და წვრილმანი ხულიგნობა.  ამ ბრალს არ ეთანხმებიან როგორც დაკავებულები, ასევე, ადვოკატები და  მხარდამჭერები.

18 ნოემბერს დაკავებულთაგან თორმეტის საქმეზე სასამართლომ გადაწყვეტილება მხოლოდ 21 ივნისის ღამეს გამოაცხადა – ათს პატიმრობა შეუფარდა, ერთს- სიტყვიერი გაფრთხილება, ერთს კი- 1000-ლარიანი ჯარიმა. დანარჩენი დაკავებულების საქმის განხილვა დღეს გაგრძელდება.

“მონა” – სკანდირებდნენ დარბაზში და მის მიმდებარედ შეკრებილი მხარდამჭერები მოსამართლე ვალერიან ფილაშვილის მისამართით, რომელმაც ეს გადაწყვეტილება გამოიტანა. ეს ერთი მოსამართლე იხილავს 37 დაკავებულის საქმეს.

სასამართლომ 18 ნოემბრის საპროტესტო აქციებისას დაკავებული მეორე ექსვეულიც გაათავისუფლა

ნეტგაზეთის მასალების სხვა გამოცემებში გადაბეჭდვის წესი
ავტორი