სასამართლომ 18 ნოემბრის საპროტესტო აქციებისას დაკავებული მეორე ექვსეულიც გაათავისუფლა

თბილისის საქალაქო სასამართლომ 18 ნოემბრის საპროტესტო აქციების დროს დაკავებული კიდევ 6 პირი – ელგუჯა ბაგრატიონი, გურამ მჭედლიშვილი, ბექა ბასილაია, ზუკა ბერძენიშვილი, გიორგი ბუნტური და ლუკა ჭიჭინაძე –  გაათავისუფლა.

მოსამართლე ვალერიან ფილიშვილმა დაკავებულთა საქმის განხილვის დასრულება დღეს ვერ მოასწრო. პროცესი ხვალ, 20 ნოემბერს, 13:30 საათზე გადაიდო. შესაბამისად, ამ საქმეებზე საბოლოო გადაწყვეტილება ცნობილი სწორედ ამის შემდეგ გახდება.

18 ნოემბრის აქციის დაშლისას პარლამენტთან 37 პირი დააკავეს, რომლებსაც ადმინისტრაციული წესით პოლიციისთვის დაუმორჩილებლობასა და ხულიგნობას ედავებიან.

18 ნოემბრის აქციაზე დაკავებული 6 პირი გაათავისუფლეს, პროცესი გადაიდო

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.