ვინ არიან მასწავლებლის ეროვნული ჯილდოს ფინალისტები

დღეს ცნობილი გახდება მასწავლებლის ეროვნული ჯილდოს გამარჯვებული. ჯილდოს გადაცემის ცერემონიალი საღამოს გაიმართება და ხუთი ფინალისტიდან ერთ-ერთი ჯილდოს მფლობელი გახდება. 

„მასწავლებლის ეროვნული ჯილდო“ განათლების კოალიციის ინიციატივით და მასწავლებელთა პროფესიული განვითარების ეროვნულ ცენტრთან პარტნიორობით უკვე მესამედ ხორციელდება და ის მასწავლებელთა პოპულარიზაციისკენ მიმართული გლობალური კამპანიის – „The Global Teacher Prize“ ნაწილია.

ნახეთ, ვინ არიან მასწავლებლის ეროვნული ჯილდოს ფინალისტები:

თამარ ადამია

დმანისის მუნიციპალიტეტის სოფელ მაშავერას და თბილისის N26 საჯარო სკოლის სახვითი და გამოყენებითი ხელოვნების მასწავლებელი;

ნათია კურტანიძე

გორის მუნიციპალიტეტის სოფელ ქვეშის საჯარო სკოლის, დაწყებითი საფეხურის და ტექნოლოგიების მასწავლებელი;

მაია მენაბდე

ბათუმის N3 საჯარო სკოლის და კერძო სკოლის „განათლება”, ქართული ენისა და ლიტერატურის მასწავლებელი;

მაია მენაბდე

ქეთევან მერებაშვილი

სკოლა-ლიცეუმ პრომეთეს, გეოგრაფიის მასწავლებელი;

ქეთევან მერებაშვილი

გიორგი ჭაუჭიძე

 მარნეულის N2 საჯარო სკოლის ქართული, როგორც მეორე ენის და ისტორიის მასწავლებელი.

გამარჯვებულს, ფულადი პრიზის სახით, კამპანიის გენერალური სპონსორი, გუდავაძე-პატარკაციშვილის ფონდი 10 000 ლარს გადასცემს. პრიზებს მიიღებენ საუკეთესო ათეულში მოხვედრილი პედაგოგებიც. 

ეს ჯილდო მიღებული აქვს ლადო აფხაზავას, სამოქალაქო განათლების მასწავლებელს ლანჩხუთის მუნიციპალიტეტიდან, რომელიც  მასწავლებლის გლობალურ ჯილდოს  ფინალისტებს შორისაც იყო.

ნეტგაზეთის მასალების სხვა გამოცემებში გადაბეჭდვის წესი
ავტორი