დღეს მამუკა ხაზარაძემ საზოგადოებრივი მოძრაობა “ლელოს” 12 ახალი წევრი წარადგინა. ხაზარაძის თქმით, ამას არანაირი კავშირი არ აქვს პოლიტიკურ მოძრაობასთან, რომელიც უახლოეს პერიოდში უნდა დაფუძნდეს და მის ლიდერებს პრაიმერის გზით შეარჩევენ.
“ლელოს” მოძრაობის 12 ახალი ლიდერია:
- ლანა გალდავა – იურისტი, საერთაშორისო ურთიერთობების სპეციალისტი;
- ლევან ბოძაშვილი – უსაფრთხოების ექსპერტი, კონსტიტუციონალისტი;
- თეონა დოლენჯაშვილი – მწერალი, პროფესიით ჟურნალისტი;
- კახა კოჟორიძე – იურისტი, საია-ს ყოფილი თავმჯდომარე და პრეზიდენტ მარგველაშვილის ყოფილი მრჩეველი;
- მედეა მეტრეველი – პროფესიით ფილოლოგი, “ქართული წიგნის ეროვნული ცენტრის” ყოფილი ხელმძღვანელი 2014-2015 წლებში;
- გია გუგუშვილი – მხატვარი, სამხატვრო აკადემიის პროფესორი;
- საბა ბუაძე – იურისტი;
- გიგლა მიქაუტაძე – ეკონომისტი; გადასახადის გადამხდელთა კავშირის ხელმძღვანელი;
- ქეთი ენუქიძე – ფილოლოგი, ორგანიზაცია “შეაჩერე კორუფციის” ერთ-ერთი დამფუძნებელი;
- ელენე მელიქიშივილი – პოლიტიკის მკვლევარი;
- გია მორდეხაშვილი – ბიზნესმენი;
- დავით გელაშვილი – ეკონომისტი.
ხაზარაძის თქმით, აღნიშნული ადამიანები იმუშავებენ საზოგადოებრივ მოძრაობაში და მათი ნაწილი შეიძლება ვიხილოთ პარტიაში, თუმცა პარტია სხვა სახეებით დაკომპლექტდება და ეს მოძრაობა პარტიად არ გარდაიქმნება.
