ვერშბოუ საქართველოში აშშ-ის ელჩად დანიშვნას უარყოფს

ნატოს გენერალური მდივნის ყოფილი მოადგილე, ასევე აშშ-ის ყოფილი ელჩი რუსეთში, ნატოსა და სამხრეთ კორეაში, ალექსანდრ ვერშბოუ, ტვიტერზე გამოეხმაურა მედიაში გავრცელებულ ინფორმაციას საქართველოში აშშ-ის ელჩად დანიშვნაზე.

“ვამაყობ, რომ ვარ საქართველოს მეგობარი და მისი ნატოში გაწევრიანების მომხრე, თუმცა მე არ შევურჩევივართ საქართველოში აშშ-ის ელჩად”, – ტვიტერის პირად გვერდზე დაწერა ალექსანდრ ვერბშოუმ.

ინფორმაცია ვერბშოუს აშშ-ის ელჩად დანიშვნაზე ქართულმა სააგენტო 2020news-მა გაავრცელა.

ამერიკის შეერთებულ შტატებს საქართველოში ელჩი 2018 წლის აპრილიდან არ ჰყავს. ელჩ იან კელის სწორედ ამ დროს ამოეწურა უფლებამოსილების ვადა.

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.