დღეს, 11 ივლისს, თბილისში, ბოჭორმის ქუჩაზე, მინივენის ტიპის ავტომობილი გატეხეს, საიდანაც მოპარულია მობილური ტელეფონი.
გამთენიისას ადგილზე საპატრულო და კრიმინალური პოლიცია იყო მობილიზებული. საპატრულო პოლიციის თანამშრომლებმა პოლიციის ლენტით შემოსაზღვრეს დაზარალებულის ავტომობილი, ხოლო ექსპერტ-კრიმინალისტები თითის ანაბეჭდებს იღებდნენ შესაძლო დამნაშავის დასადგენად.
როგორც ნეტგაზეთს შსს-ში განუცხადეს, გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.