საპროტესტო აქცია მიმდინარეობს რუსთავი 2 -ის შენობასთან.მოქალაქეების ნაწილი აპროტესტებს წამყვან გიორგი გაბუნიას მიერ პირდაპირ ეთერში რუსეთის პრეზიდენტის, ვლადიმერ პუტინის გინებას.
“გამოვიდეს გვარამია და აგოს პასუხი” , – აცხადებს აქციის ერთ-ერთი მონაწილე დასძენს – “ომი რომ დაიწყოს, სად წავლენ გვარამია და გაბუნია? ადგებიან და წავლენ”.
ჟურნალისტის კითხვაზე, რას ითხოვენ აქციის მონაწილეები, ერთ-ერთი პასუხობს:
“გამოვიდეს და ბოდიში მოიხადოს”.
“დაიხუროს ეს ტელევიზია”, – ამბობს კიდევ ერთი მონაწილე.
ამ აქციამდე პროვოკაციად შეაფასეს ტელეწამყვანის გინება პრემიერ-მინისტრმა, პრეზიდენტმა, თბილისის მერმა და პარლამენტის თავმჯდომარემ.