“მივიღეთ კანონი უსაფრთხოების საბჭოს შესახებ და გადავწყვიტეთ ამ უწყების გაძლიერება, საჭირო იყო რეფორმები,” – განაცხადა ირაკლი ღარიბაშვილმა.

ღარიბაშვილის განცხადებით, შს მინისტრის პირველ მოადგილედ დაინიშნა ვახტანგ გომელაური (რომელიც ბიძინა ივანიშვილის პრემიერობის დროს იყო მისი დაცვის უფროსის მოადგილე). რაც შეეხება ალექსანდრე ჭიკაიძის სხვა მოადგილეებს, ერთ-ერთი მათგანი იქნება თეიმურაზ მღებრიშვილი, რომელმაც სახელმწიფო დაცვის სპეციალური სამსახურის უფროსის თანამდებობა დატოვა და ამ პოსტს დაუბრუნდა, ანზორ ჩუბინიძე, რომელიც მანამდე იყო სდსს-ის უფროსი და უფრო ადრე ბიძინა ივანიშვილის დაცვის უფროსი. შს მინისტრის მოადგილის თანამდებობაზე გადაინაცვლა ასევე სასჯელაღსრულების მინისტრის მოადგილე არჩილ თალაკვაძემ.