საზოგადოებრივ მაუწყებელზე კახაძისა და შავგულიძის დებატები გაიმართება

საზოგადოებრივ მაუწყებელზე პარლამენტის შუალედური არჩევნების მეორე ტურში გასულ კანდიდატებს შორის დებატები გაიმართება.

მაუწყებლის შეთავაზებას მთაწმინდის მაჟორიტარობის ორივე კანდიდატი დასთანხმდა. დებატები საზოგადოებრივი მაუწყებლის პირველ არხზე გაიმართება.

როგორც საზოგადოებრივი მაუწყებლის მიერ გავრცელებულ განცხადებაში ვკითხულობთ, დებატების ფორმატი კანდიდატებთან შეთანხმდება.

2019 წლის შუალედურ არცევნებში „ევროპული საქართველო-თავისუფალი დემოკრატების“ კანდიდატმა, შალვა შავგულიძემ ხმათა 36.84% მიიღო, “ქართული ოცნების” კანდიდატმა ლადო კახაძემ კი  – 41.01%.

მეორე ტური მთაწმინდის მაჟორიტარულ ოლქში 9 ივნისს გაიმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.