ზუგდიდში პრესა.ჯის მთავარი რედაქტორი გიორგი კაპანაძე დააკავეს

ზუგდიდში Presa.ge-ს (პრესა.ჯი) მთავარი რედაქტორი გიორგი კაპანაძე დააკავეს.

შსს-ში ნეტგაზეთს განუცხადეს, რომ კაპანაძე დააკავეს სოხუმის ქუჩაზე წვრილმანი ხულიგნობის და პოლიციის კანონიერი მოთხოვნისადმი დაუმორჩილებლობის ფაქტზე, ადმინისტრაციულ სამართალდარღვევათა კოდექსის 166-ე და 173-ე მუხლებით.

166-ე მუხლი 500-დან 1000 ლარამდე ჯარიმას ან 15-დღიან ადმინისტრაციულ პატიმრობას ითვალისწინებს, 173-ე კი — 1000-დან 4000 ლარამდე ჯარიმას ან 15-დღიან ადმინისტრაციულ პატიმრობას.

შსს-ს არ დაუზუსტებია, კონკრეტულად რის გამო დააკავეს კაპანაძე.

შესწორება: თავდაპირველ ვერსიაში არაზუსტად იყო მითითებული, რომ კაპანაძე პრესა.ჯის დამფუძნებელი იყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com