შინაგან საქმეთა სამინისტროს ცნობით, სამართაკლდამცავებმა 1984 წელს დაბადებული ვ.მ., ყაჩაღობის ბრალდებით, ქუთაისში დააკავეს.
როგორც სამართალდამცავი უწყება აცხადებს, ბრალდებულმა ქუთაისში, აღმაშენებლის
გამზირზე მდებარე ავტოგასამართი სადგურის ოპერატორს დანის მუქარით ფული –
130 ლარი გასტაცა. ამის შემდეგ ვ.მ., ასევე, დანის მუქარით, ყაჩაღურად თავს
დაესხა გრიშაშვილის ქუჩაზე მდებარე ერთ-ერთი ავტოგასამართი სადგურის
ოპერატორს. სამართალდამცველებმა ბრალდებული ცხელ კვალზე, დანაშაულის
ჩადენიდან რამდენიმე საათში ქუთაისში დააკავეს.
პოლიციამ ცივი იარაღი ნივთმტკიცების სახით ამოიღო. გამოძიება ყაჩაღობის ფაქტზე, სსკ-ის 179-ე მუხლის 1-ლი ნაწილით მიმდინარეობს. დამტკიცების შემთხვევაში, დანაშაული 5-დან 7 წლამდე ვადით თავისუფლების აღკვეთას ითვალისწინებს.
