დღეს, 17 დეკემბერს, გორში, სამეფოს ქუჩაზე მდებარე ერთ-ერთ საცხოვრებელ სახლში, მეზობელმა 28 წლის კაცი გარდაცვლილი, ხოლო კიდევ ორი კაცი უგონო მდგომარეობაში იპოვა.
როგორც ნეტგაზეთს შსს-ში განუცხადეს, მძიმე მდგომარეობაში მყოფი ორი ახალგაზრდა ინტოქსიკაციის ცენტრშია გადაყვანილი.
ჯერჯერობით არაა ცნობილი ინციდენტის მიზეზი და მუხლი, რომლითაც გამოძიება უნდა დაიწყოს. ადგილზე ამ დრომდე ექსპერტ-კრიმინალისტები მუშაობენ.
ნეტგაზეთი შსს-დან მიღებულ ინფორმაციას გამოძიების შესახებ მიღებისთანავე გაცნობებთ.