თბილისში, ტატიშვილის ქუჩაზე, ოთხი ადამიანი დაჭრეს. შემთხვევა ცოტა ხნის წინ, 14 დეკემბრის ღამით მოხდა.
როგორც შსს-ში “ნეტგაზეთს” განუცხადეს, შემთხვევის დროს, სავარაუდოდ, ცივი იარაღი გამოიყენეს.
უწყების ცნობით, სავარაუდო დამნაშავე უკვე დაკავებულია, გამოძიება კი სსკ-ს 117-ე მუხლით მიმდინარეობს, რაც ჯანმრთელობის განზრახ მძიმედ დაზიანებას გულისხმობს.
დაჭრილები საავადმყოფოში არიან მოთავსებულნი.