ახალი ამბები

შსს: დაკავებულია პირი, რომელმაც ვარკეთილსა და ​ვაზისუბანში ათამდე ბინა გაქურდა

25 ნოემბერი, 2018 • 1651
შსს: დაკავებულია პირი, რომელმაც ვარკეთილსა და ​ვაზისუბანში ათამდე ბინა გაქურდა

შს სამინისტროს ცნობით,  თბილისის პოლიციის დეპარტამენტის ისანი-სამგორის სამმართველოს თანამშრომლებმა 1971 წელს დაბადებული, წარსულში მრავალჯერ ნასამართლევი ა.გ., ქურდობის ბრალდებით თბილისში დააკავეს.

შსს-ს მიერ გავრცელებული ინფორმაციის თანახმად, ბრალდებულმა ვარკეთილსა და ​ვაზისუბნის დასახლებაში ათამდე საცხოვრებელი ბინა გაქურდა. სამართალდამცველებმა ნაქურდალი ნივთები ნივთმტკიცებად ამოიღეს.

შს სამინისტროს ცნობით, დაკავებული ჩადენილ დანაშაულს აღიარებს.

ჩადენილი დანაშაული 4-დან 7 წლამდე ვადით თავისუფლების აღკვეთას ითვალისწინებს.

გამოძიება საქართველოს სისხლის სამართლის კოდექსის 177-ე მუხლის მე-2 ნაწილის “ა” ქვეპუნქტით და მე-3 ნაწილის “გ” ქვეპუნქტით, ქურდობის ფაქტებზე მიმდინარეობს, რამაც მნიშვნელოვანი ზიანი გამოიწვია.

___________

ფოტო: შს სამინისტრო

მასალების გადაბეჭდვის წესი