ნეტგაზეთი | ხმალაძე: ფარული ჩანაწერების არსებობის დადასტურება გამოუქვეყნებლადაც იყო შესაძლებელი ხმალაძე: ფარული ჩანაწერების არსებობის დადასტურება გამოუქვეყნებლადაც იყო შესაძლებელი – Netgazeti
RU | GE  

ხმალაძე: ფარული ჩანაწერების არსებობის დადასტურება გამოუქვეყნებლადაც იყო შესაძლებელი

პარლამენტის იურიდიულ საკითხთა კომიტეტის თავმჯდომარე ვახტანგ ხმალაძე ამბობს, რომ კანონი “რუსთავი 2”-ს საშუალება აძლევს გამოაქვეყნოს ნებისმიერი სახის ინფორმაცია, თუმცა ამან არ უნდა შელახოს პირადი ცხოვრების ხელშეუხებლობა. 

“სამართლებრივი თვალსაზრისით, არის კანონი გამოხატვის თავისუფლების შესახებ, რომელიც სრულ თავისუფლებას აძლევს მედიას ნებისმიერი ინფორმაციის გამოქვეყნებისთვის, მაგრამ არის კანონები, რომლებშიც პირადი ინფორმაციის გამოქვეყნება არის შეზღუდული, აკრძალული და დასჯადი”, ამბობს ხმაალძე.

 

პარლამენტარის თქმით, ამ კანონებს შორის არის “კონკურენცია” და საკითხი წყდება იმის მიხედვით, საზოგადოებრივი ინტერესიდან გამომდინარე რას უნდა მიეცეს პრიორიტეტი.

 

ხმალაძე ამბობს, რომ სრულიად საკმარისი იყო პროკურატურისთვის მიეწოდებინათ ინფორმაცია ასეთი ჩანაწერების არსებობის შესახებ.

 

ჟურნალისტების კითხვაზე, რეალურია თუ არა, რომ ოპოზიცია ფარულ მიყურადებას აწარმოებდეს, ხმალაძემ უპასუხა, რომ რეალურია. 

 

ვახტანგ ხმალაძე შალვა შავგულიძე
ვახტანგ ხმალაძე შალვა შავგულიძე

“თქვენც და მეც შეგვიძლია უცხოეთში ვნახოთ ადგილები, სადაც იყიდება ასეთი [მოსასმენი] აპარატურა, რომლის შემოტანისას შეგვიძლია ერთმანეთის მოსმენით დავკავდეთ. ეს არის პორტატული აპარატურა. ჩემი აზრით გამოძიებამ უნდა დაადგინოს ვისი მოპოვებულია ეს ჩანაწერები”,- ამბობს ხმალაძე. 

 

სამაუწყებლო კომპანია “რუსთავი 2”-მა საგანგებო განცხადება გაავრცელა, რომლის მიხედვითაც ტელეკომპანიის ტოპმენეჯმენტზე ფარულ აუდიოვიზუალურ თვალთვალს ახორციელებდნენ

 
10 მაისს ტელეკომპანია “რუსთავი 2″–ის ეთერში, გადაცემაში “განსხვავებული აქცენტები” ფარული ჩანაწერები გაასაჯაროეს.

 
 

საქართველოს მთავარი პროკურატურის განცხადებით, რუსთავი 2- ის განცხადების საფუძველზე, რომელიც უკანონო ფარულ მიყურადებას და თვალთვალს ეხება, გამოძიება სისხლის სამართლის კოდექსის 158-ე მუხლით დაიწყო.

 
ნეტგაზეთის მასალების სხვა გამოცემებში გადაბეჭდვის წესი
ანი ბერუკაშვილი