თუკი წინა კვლევის დროს, 2013 წლის იანვარში, მოსახლეობის 47% მიიჩნევდა, რომ საქართველო სწორი მიმართულებით ვითარდება, ამჯერად ეს რიცხვი 33%–მდე შემცირდა. გამოკითხულთა 38% მიიჩნევს, რომ მდგომარეობა არ იცვლება, 19% კი მიიჩნევს, რომ საქართველო ძირითადად არასწორი მიმართულებით ვითარდება.

NDI–ს საქართველოს ოფისის ხელმძღვანელმა ლუის ნავარომ განმარტა, რომ კვლევა ჩატარდა მანამდე, სანამ დაიწყებოდა მსჯელობა ანტიდისკრიმინაციულ კანონთან დაკავშირებით.

კვლევის ფარგლებში გამოიკითხა 3 942 ადამიანი, ყველა მათგანი პირისპირი ინტერვიუს მეთოდით გამოიკითხა. კვლევის ცდომილება +/– 2.1%–ია.