“წინააღმდეგი ვარ ყოველგვარი დისკრიმინაციის და ზიზღის! გიყვარდეთ ფეხბურთი და ფეხბურთელები”, – ასე უპასუხა წერილობით ოპოზიციური გაერთიანების “ძალა ერთობაშია” კანდიდატმა გრიგოლ ვაშაძემ ნეტგაზეთის შეკითხვას გურამ კაშიასა და ჰომოფობიის პრობლემასთან დაკავშირებით საქართველოში.

ნეტგაზეთი შეეცადა გაეგო, რა პოზიცია აქვს ვაშაძეს კაშიას წინააღმდეგ აგორებული კამპანიისა და ჰომოფობიის თემასთან დაკავშირებით.

#გურამშენთანვართ – ამ ჰეშთეგით სოციალურ ქსელებში გურამ კაშიას მხარდამჭერი კამპანია დაიწყო მას შემდეგ, რაც საქართველოს ეროვნული ნაკრების ლიდერმა ფეისბუკის ოფიციალური გვერდი შეურაცხმყოფელი შეტყობინებების/კომენტარების გამო ფეისბუკის გვერდი გააუქმა, ხოლო ინსტაგრამის საჯარო ანგარიში მხოლოდ გამომწერებისთვის გახადა ხელმისაწვდომი.