საქართველოს პრემიერ-მინისტრის, მამუკა ბახტაძის თქმით, რეგიონებში მომუშავე სასწრაფო სამედიცინო დახმარების ბრიგადებს ხელფასები 20-30%-ით გაეზრდებათ. შესაბამისი გადაწყვეტილება მთავრობამ დღევანდელ სხდომაზე მიიღო.
ბახტაძის თქმით, ამ სფეროში დასაქმებულებს დიდი პასუხისმგებლობა აქვთ და 24-საათიან რეჟიმში უწევთ მუშაობა:
„ვფიქრობთ, ეს ნაბიჯი ძალიან მნიშვნელოვანია, რომ რეგიონებში ჯანდაცვის სერვისი მოსახლეობას მივაწოდოთ უფრო მაღალი ხარისხით და ოპერატიულად“, – განაცხადა მამუკა ბახტაძემ.
