“გამოვრიცხავ, რაიმე ტიპის უკანონო ქმედებაში იყოს ჩართული პროკურატურის რომელიმე წარმომადგენელი, მაგრამ როდესაც პატიმარი რაღაცას აცხადებს, მიუხედავად იმისა, რომ ერთი მინისტრი თუ რამდენიმე მინისტრი ამას გამორიცხავს თავისი პირადი გადასახედიდან, ამას ჭირდება სერიოზული მიდგომა”, – განაცხადა თეა წულუკიანმა დღეს, სასტუმრო “თბილისი მარიოტში” იუსტიციის სამინისტროს მუშაობის 1 წლის თავთან დაკავშირებით გამართული შემაჯამებელი შეხვედრის შემდეგ.
საქართველოს ყოფილი პრემიერ-მინისტრი ვანო მერაბიშვილი აცხადებს, რომ მთავარმა პროკურორმა ოთარ ფარცხალაძემ მასზე ზეწოლა განახორციელა, რათა მას ზურაბ ჟვანიას გარდაცვალების და მიხეილ სააკაშვილის კორუფციაში შესაძლო მონაწილეობის საქმეებზე ეთანამშრომლა მათთან.
