ჰავაიზე უკვე მეოცე დღეა კილაუას ვულკანი იფრქვევა. ვულკანმა ჰავაიზე პირველად 3 მაისს იფეთქა, 4 მაისს კი ამოფრქვევის პარალელურად 6.9 მაგნიტუდის სიმძლავრის მიწისძვრაც მოხდა.

CNN-ის ცნობით ამოფრქვეულმა ლავამ უკვე წყნარ ოკეანემდე მიაღწია.

CNN-ის ცნობით, ამერიკის გეოლოგიური კვლევის თანახმად, ეს არიდ ჰავაის კუნძულზე 1975 წლის შემდეგ ყველაზე ძლიერი მიწისძვრა. ვულკანის ამოფრქვევის და მიწისძვრის გამო ადგილიდან თავდაპირველად 1 700 ადამიანის ევაკუაცია გახდა აუცილებელი. “როიტერის” ცნობით კი, ბოლო 2 დღეში 2 000 ადამიანის ევაკუაცია მოხდა.

ვულკანის ამოფრქვევის შედეგად ჰაერში გოგირდის დიოქსიდის მაღალი შემცველობაა, რაც მომწამვლელი ნივთიერებებისა და დაავადაბათა რეესტრის ცნობით, შეიძლება, სიცოცხლისთვის საშიში გახდეს.