ამის შესახებ ინფორმაცია შსს-ს საზოგადოებასთან ურთიერთობის სამსახურის უფროსმა, ნინო გიორგობიანმა “ინტერპრესნიუსს” დაუდასტურა. 

ნეტგაზეთი ნინო გიორგობიანს ვერ დაუკავშირდა. მან ჩვენს სატელეფონო ზარებს არ უპასუხა. ინფორმაცია ფარცხალაძის დანიშვნის შესახებ შსს-ს პრესსამსახურის სხვა თანამშრომლებმა ვერ დაუდასტურეს.

“ვერაფერს გეტყვით, ნინო გიორგობიანმა უნდა დაგიდასტუროთ,”- განუცხადა ნინო ცხადაძემ ნეტგაზეთს.

საქართველოს მთავარი პროკურორის თანამდებობას არჩილ კბილაშვილი ახალი პრეზიდენტის ინაუგურაციის შემდეგ დატოვებს, ხოლო მისი შემცვლელი ახალმა პრემიერ-მინისტრმა უნდა დანიშნოს. პრემიერის თანამდებობას, ასევე, პრეზიდენტის ინაუგურაციის შემდეგ ამჟამინდელი შს მინისტრი ირაკლი ღარიბაშვილი დაიკავებს.