სახალხო დამცველის აპარატის ინფორმაციით, შეხვედრას მესტიის რაიონის 17 თემის წარმომადგენელი ესწრებოდა. თემის წარმომადგენლებმა სახალხო დამცველთან ისაუბრეს იმ პრობლემებზე, რომელიც ხუდონჰესის მშენებლობის შემთხვევაში მათ შეიძლება შეექმნათ.
შეხვედრაზე სახალხო დამცველმა აღნიშნა, რომ ხელისუფლებასა და მოსახლეობას შორის აუცილებელია დიალოგის გამართვა და ასევე, მნიშვნელოვანია, რომ მთავრობამ გაითვალისწინოს ადგილობრივი მოსახლეობის აზრი.