“ჩანაწერებთან დაკავშირებით კომისიამ რა იმუშავა და როგორ, წარმოდგენა არ მაქვს. ჩემთვის დღეს იქნება პირველი სხდომა და გავერკვევი ყველა იმ საკითხში, რაც ჩემ კომისიაში ჩართვამდე მოხდა. მაგრამ რაც შეეხება ჩემს პოზიციას, პირველივე დღიდანვე მე ვთქვი, რომ პირადი ცხოვრების ამსახველი ჩანაწერები, იქნება ეს აუდიო თუ ვიდეო, სასწრაფოდ უნდა განადგურებულიყო, რომ ჩვენს მოქალაქეებს, რომლებსაც შეიძლება აქვთ, ან შეიძლება ჰქონდეთ ეჭვი, რომ არის ამ ჩანაწერებში, გაუჩნდეთ დაცულობის განცდა. ეს პროცესი გაგრძელდა, მაგრამ კომისია აქტიურად მუშაობს, რამდენადაც ვიცი, და ძალიან მალე პირადი ფაქტების და ოჯახური ცხოვრების თუ პირადი ცხოვრების ამსახველი ფაქტები უნდა განადგურდეს. ამაზე ჩემი პოზიცია უცვლელია”, – განაცხადა წულუკიანმა დღეს, 2 ოქტომბერს, უწყებათაშორისი კომისიის სხდომის დასრულების შემდეგ.