კბილაშვილის თქმით, პროკურატურამ გულდასმით შეისწავლა ყველა ის დოკუმენტაცია, რომელზე დაყრდნობითაც აჰმედ ჩატაევის ადვოკატები და ახლოებლები ჩატაევის უდანაშაულობაზე აპელირებენ. კბილაშვილმა საქმის დეტალების წინასწარი გამხელისგან თავი შეიკავა.

აჰმედ ჩატაევი დააკავეს 28 აგვისტოს ლოპოტის ხეობაში ჩატარებული სპეცოპერაციის შედეგად, რომელსაც ემსხვერპლნენ როგორც პოლიციელები, ისე იმ ჯგუფის წევრები, რომლებიც შსს-მ შეიარაღებული დივერსანტების ჯგუფად გამოაცხადა.

ჩატაევს ბრალი წაყენებული აქვს სსკ–ის 236–ე მუხლის I და II ნაწილებით, რაც ასაფეთქებელი მოწყობილობების მართლსაწინააღმდეგო შეძენა, შენახვა, ტარებას გულისხმობს და ითვალისწინებს სამიდან ხუთ წლამდე პატიმრობას.

ჩატაევის გათავისუფლებას ითხოვს დუისის მოსახლეობა, რომლებმაც აღნიშნული მოთხოვნით დღემდე არაერთი საპროტესტო აქცია გამართა.