“7 პირი არის დაკითხვაზე მოწმის სტატუსით. ჩემი ბოლო ინფორმაციით, მათთვის სტატუსი არ იყო შეცვლილი. ის, თუ რა საკითხზე იკითხებიან, პროკურატურის და გამოძიების ინტერესებიდან გამომდიანრე არ ვისაუბრებ”, – განაცხადა თეა წულუკიანმა ტელეკომპანია “მაესტროს” ეთერში. მისი თქმით, შსს–ს თანამშრომლების დაკითხვა ბოლოსკენ მიდის, ამის შემდეგ გამომძიებლები და პროკურორები ჩვენებებს შეადარებენ:

“ეს ჩვენებები უნდა შედარდეს, რომ გამომძიებლებმა გააკეთონ დასკვნები, როგორც კი დაკითხვა დამთავრდება, გამომძიებლები პროკურორებთან ერთად გააკეთებენ დასკვნას, ამ ადამიანებს შეიძლება თუ არა ჰქონდეთ ჩადენილი რაიმე ტიპის დანაშაული”, – განაცხადა თეა წულუკიანმა.

შეგახსენებთ, რომ პროკურატურაში დაკითხვაზე საქართველოს კონსტიტუციური უსაფრთხოებისა და სპეციალური ოპერატიული დეპარტამენტის 7 თანამშრომელი რამდენიმე საათია იმყოფება.