მერსედესის მარკის ავტომობილს ჯერ ცეცხლი გაუჩნდა და შემდეგ აფეთქდა მტკვრის მარჯვენა სანაპიროზე, მარშალ გელოვანის გამზირზე, 2 აგვისტოს, შუაღამის 3-ის ნახევრისთვის.
როგორც “ნეტგაზეთს” საგანგებო სიტუაციების მართვის სააგენტოში უთხრეს, შემთხვევის შედეგად მსუბუქად დაშავდა ერთი მეხანძრე მაშველი.
ტელეკომპანია რუსთავი2-ის ცნობით, აფეთქებამ ახლომდებარე რადიოკომპანია “საქართველოს” შენობის ფოიეს მინები ჩაამსხვრია. მათივე ცნობით, ავტომობილის მძღოლმა და მგზავრებმა აფეთქებამდე მანქანიდან გადმოსვლა მოასწრეს, ისინი არ დაშავებულან. ადგილზე მობილიზებული იყო ერთი სახანძრო და ერთი სამაშველო მანქანა.