AP-ის ცნობით, თურქეთის სახელმწიფო საინფორმაციო სააგენტო ავრცლეებს ინფორმაციას, რომ თურქეთის პარლამენტი დაბომბეს. CNN Turk-ის ინფორმაციით, დაშავებულები არიან პოლიციის ოფიცრები და პარლამენტის თანამშრომლები. დამატებითი ინფორმაცია მომხდარის შესახებ ჯერ არ ვრცელდება.
BREAKING: Anadolu Agency reports a bomb has hit the Turkish parliament in Ankara.
— The Associated Press (@AP) July 15, 2016
საერთაშორისო მედიის ცნობით, თურქეთის ეროვნული უშიშროების სამსახური ავრცელებს ინფორმაციას, რომ სამხედრო გადატრიალების მცდელობა ვერ შედგა და მდგომარეობა ნორმალიზებულია.
15 ივლისს, საღამოს, თურქეთში სამხედრო გადატრიალების მცდელობა დაიწყო. სროლებისა და აფეთქებების ხმა ამ დრომდე ისმის სტამბულსა და ანკარაში. ქვეყანაში საგანგებო მდგომარეობა გამოცხადდა. პრეზიდენტმა ხალხს ქუჩაში გამოსვლისკენ მოუწოდა.
