ბრიტანელმა ჩოგბურთელმა ენდი მარიმ უიმბლდონის ტურნირი კაცებს შორის ოთხი წლის განმავლობაში უკვე მეორედ მოიგო და კარიერაში მესამე მნიშვნელოვანი ჯილდო მოიპოვა. ენდი მარიმ მილოშ რაონიჩი სამ სეტში ანგარიშით 6-4, 7-6, 7-6 დაამარცხა.
ქალთა შორის უიმბლდონის თასი კი ამერიკელ სერენა უილიამსს გადაეცა, რომელმაც ტიტული უკვე მეშვიდედ მოიპოვა და გახდა ყველაზე ასაკოვანი ჩოგბურთელი ქალი, რომელმაც დიდი სლემის ტურნირი მოიგო.
უიმბლდონის ტურნირი ჩოგბურთის ისტორიაში ყველაზე ძველი ჩემპიონატია. ის 1877 წელს დაარსდა და დღემდე ჩოგბურთის სამყაროში ყველაზე პრესტიჟულ ტურნირად მიიჩნევა.