ოპოზიციურმა გაერთიანებებმა თავიანთი შემდგომი ნაბიჯები გაახმოვანეს.
სცენაზე დღეს წარმოდგენილნი იყვნენ „კოალიცია ცვლილებებისთვის“, ერთობა – ნაციონალური მოძრაობა“ და „ძლიერი საქართველო“.
ლევან ცუცქირიძემ [„ძლიერი საქართველო“] დაასახელა ოპოზიციის სამი სტრატეგია:
- ყველას უნდა ვაჩვენოთ და გავაგებინოთ გაყალბებები, რომლებიც შეასრულა მთავრობამ
- დემოკრატიულმა სამყარომ არ უნდა აღიაროს ცესკოს შედეგები
- წინააღმდეგობა, სამოქალაქო აქტივობა
„იქამდე უნდა ვიყოთ, სანამ ივანიშვილის ხელისუფლება არ დაემხობა და არ დამარცხდება“, – აღნიშნა ნიკა მელიამ და დაამატა, რომ „ერთი კალენდარული დღე არ ჩაივლის უპროტესტოდ და ეს უნდა გახდეს მძლავრი მოძრაობა, რომელიც დაანგრევს რეჟიმს“
„გეგმა ვართ ჩვენ, გავიმარჯვეთ – გაყალბების მიუხედავად. ეს წინააღმდეგობის მოძრაობა მოედება მთელ საქართველოს. უნდა ვიაროთ უბან-უბან, კარდაკარ, და ვუთხრათ ხალხს – გამოდი, შემომიერთდი, იმიტომ, რომ ქვეყანა განსაცდელის ზღვარზეა. გეგმა არის ერთად ყოფნა, სიმტკიცე, არდანებება“, – თქვა მამუკა ხაზარაძემ.
გიორგი ვაშაძის თქმით, ოპოზიცია:
- ითხოვს ახალი არჩევნების დანიშვნას, არ აღიარებს მოპარულ არჩევნებს და არ ვცნობთ პარლამენტის ლეგიტიმაციას
- დაიწყებს წინააღმდეგობის მოძრაობა და შლის ფრონტს ჯერ თბილისში, შემდეგ -მთელ საქართველოში
- ყველაფერს აკეთებს ერთად.
