უკვე მე-6 დღეა, რუსეთის არმია განუწყვეტლივ უტევს უკრაინას როგორც სახმელეთო, ისე საჰაერო და საზღვაო გზებით. რუსეთის შეჭრას ასეულობით მშვიდობიანი მოქალაქე და სამხედრო ემხვერპლა. ინტენსიურად იბომბება უკრაინის ქალაქები.

მნიშვნელოვანი დეტალები: 

• რუსეთი 24 თებერვალს, გამთენიისას შეიჭრა უკრაინაში და სრულმასშტაბიანი ომი დაიწყო. შეჭრას წინ უძღოდა რუსეთის პრეზიდენტის მიერ უკრაინის სეპერატისტული დონბასის და ლუგანსკის დამოუკიდებლობის აღიარება;
• რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“;
• დასავლეთის ქვეყნებმა, მათ შორის, აშშ-მ, კანადამ, ევროკავშირმა, რუსეთის აგრესიის საპასუხოდ დააწესეს მძიმე ეკონომიკური სანქციები;
• ევროპის ქვეყნებმა თქვეს, რომ უკრაინას მიაწვდიან სამხედრო იარაღს, ასევე, ავიაგამანადგურებლებს;
• რუსეთის აგრესიის პასუხად, უკრაინამ 28 თებერვალს ოფიციალურად შეიტანა განაცხადი ევროკავშირის წევრობაზე;
• რუსეთისა და უკრაინის წარმომადგენლებს შორის მოლაპარაკებების პირველი რაუნდი გაიმართა ბელორუსში, თუმცა უშედეგოდ.

ნეტგაზეთი განახლებად რეჟიმში გთავაზობთ 1 მარტის სიახლეებს უკრაინაში მიმდინარე ომის  შესახებ. სიახლეები გამოჩნდება გვერდის თქვენ მიერ განახლების (დარეფრეშების) შემდეგ. 

მოვლენებს განახლებად რეჟიმში  შეგიძლიათ თვალი ადევნოთ ნეტგაზეთის ტელეგრამის არხზე: https://t.me/ambebiukrainidan; 

ამბებს რუსულ ენაზე შეგიძლიათ თვალი ადევნოთ და გაუზიაროთ მეგობრებს უკრაინაში ნეტგაზეთის რუსული ვერსიიდან: ru.netgazeti.ge 

ამბების ქრონოლოგია 1 მარტის 08:00 საათიდან.

21:14

• კიევის სატელევიზიო ანძაზე შეტევას 5 ადამიანის სიცოცხლე ემსხვერპლა

20:50

• ევროპარლამენტი EU-ს მოუწოდებს უკრაინას კანდიდატის სტატუსი მიანიჭოს

18:40

• უკრაინის საელჩოში ელჩის გაწვევის შემდეგ კომენტარი გაკეთდა

16:17

• „დაგვიმტკიცეთ, რომ ნამდვილად ევროპელები ხართ“ — ზელენსკის მიმართვა ევროპას

15:50

• რუსეთში ომის წინააღმდეგ აქციებზე 6400 დემონსტრანტი დააკავეს – UNHCR

15:00

• ხარკოვზე თავდასხმის შედეგად დაიღუპა და დაშავდა ათობით ადამიანი — ხარკოვის საგანგებო სიტუაციების სამსახური

14:48 უკრაინის პრეზიდენტმა, ვოლოდიმირ ზელენსკიმ საქართველოდან ელჩი – იგორ დოლგოვი გაიწვია.

• ზელენსკიმ საქართველოდან ელჩი გაიწვია

12:25 რუსეთის სამხედრო ტანკებზე სხვადასხვა ლათინური ასოებია გამოსახული. უკრაინის თავდაცვის საიმინისტრო განმარტავს, თუ რას ნიშნავს „Z“ „V“ „X“ და სხვა სიმბოლოები, რომლებიც რუსულ ტექნიკაზეა დატანილი.

• რას ნიშნავს „Z“, „V“, „X“ და სხვა ნიშნები რუსულ ტექნიკაზე

11:32 უკრაინა ომის ობლიგაციების უშვებს და მოსახლეობას, ბიზნესსა და უცხოელ ინვესტორებს მისი შეძენისკენ მოუწოდებს.

• უკრაინა ომის ობლიგაციებს გამოუშვებს

11:26 — უკრაინის გენერალური შტაბის განცხადებით, რუსეთის მხარეს დაღუპულ სამხედროთა რიცხვმა 5 710-ს მიაღწია, 200 პირი კი ტყვედაა აყვანილი.

•  დაღუპული რუსი სამხედროების რიცხვმა 5 710-ს მიაღწია უკრაინა

11:05 – რუსულმა არმიამ დილით ხარკოვის ცენტრი დაბომბა, სადაც მშვიდობიანი მოქალაქეები გადაადგილდებიან.

08:44 — მასტერქარდმა თავისი გადახდის სისტემით სარგებლობა არაერთ რუსულ ბანკს შეუზღუდა. მიზეზი რუსული ბანკების წინააღმდეგ უკრაინაში რუსეთის შეჭრის გამო დაწესებული საერთაშორისო სანქციებია.

• მასტერქარდმა გადახდის სისტემიდან რუსული ბანკების ნაწილი გათიშა

მასტერქარდმა თავისი გადახდის სისტემით სარგებლობა არაერთ რუსულ ბანკს შეუზღუდა. მიზეზი რუსული ბანკების წინააღმდეგ უკრაინაში რუსეთის შეჭრის გამო დაწესებული საერთაშორისო სანქციებია.

08:02 — შეერთებული შტატების სახელმწიფო დეპარტამენტის პრესსპიკერი ნედ პრაისი აცხადებს, რომ მსოფლიო უკვე ხედავს რუსეთის ფედერაციისთვის დაწესებული სანქციების პირველად შედეგებს.

იგი ტვიტერზე წერს, რომ;

1. „რუბლის ღირებულება დაეცა, – ერთი რუბლი ერთ ცენტზე ნაკლები ღირს;
2. S&P-მ დასწია რუსეთის სახელმწიფო ვალი „ნაგვის“ კატეგორიამდე;
3. რუსეთის საფონდო ბირჟა 5 მარტამდე დაიხურა“;

08:00 — უკრაინული გამოცემა „უნიანი“ ადგილობრივ ხელისუფლებაზე დაყრდნობით იუწყება, რომ ქალაქ ახტირკაში, რომელიც სუმის ოლქში მდებარეობს, გუშინ რუსეთის ფედერაციის შეიარაღებული ძალების საარტილერიო ცეცხლის შედეგად ათობით უკრაინელი მებრძოლი დაიღუპა.

• ახტირკაში ათობით უკრაინელი ჯარისკაცი დაიღუპა – მსხვერპლია რუსეთის მხარესაც